Carle, An' The King Come

by Robert Burns

An old song improved

Chorus:
Carle, an' the King come,
Carle, an' the King come,
Thou shalt dance and I will sing,
Carle, an' the King come.

An' somebody were come again,
Then somebody maun cross the main,
And every man shall hae his ain,
Carle, an' the King come.

Chorus

I trow we swappet for the worse,
We gi'e the boot and better horse;
An' that we'll tell them at the cross,
Carle, an' the King come.

Chorus

Coggie, an' the King come,
Coggie, an' the King come,
I'se be fou, and thou'se be toom,
Coggie, an' the King come.

Chorus: Coggie an' the King come ...

Source:

The Poetical Works Of Robert Burns
Copyright 1910
Ward, Lock, and Co., Ltd