A Red, Red Rose

by Robert Burns

O, my luve's like a red, red rose,
That's newly sprung in June:
O, my luve's like the melodie
That's sweetly played in tune.

As fair art thou, my bonnie lass,
So deep in luve am I;
And I will luve thee still, my dear,
Till a' the seas gang dry.

Till a' the seas gang dry, my dear,
And the rocks melt wi' the sun:
And I will luve thee still, my dear,
While the sands o' life shall run.

And fare thee well, my only luve!
And fare thee well a while!
And I will come again, my luve,
Though it were ten thousand mile.

Notes to the poem:

The beautiful ballad was an improvement of a street ballad.